POCSO Act siamṭhat tum

Mipat hmeichhiat lam hawia khawihchhiatna laka mipa naupangte humhim an nih theihna turin sorkar laipui chuan POCSO Act siamṭhat a tum.

Sorkar laipui chuan naupang kum 12 hnuai lam pawngsualtute thi tura hrem theihna tur dan, ordinance a siam hnuah POCSO Act pawh siamṭhat a nih tur thu Women and Child Development Ministry chuan a sawi a ni. Woman and Child Development Minister Maneka Gandhi chuan he dan hian mipa naupangte pawh a huam theih nan siamṭhat a ngai ni tih a sawi.

Mipat hmeichhiat lam hawia naupangte chunga pawikhawihna thleng ṭhinte rang taka chinfel a nih theih nan fast track court din a ni dawn a, ramchhunga district tina damdawi-in leh police station-ahte pawngsual a thlen phalah finfiahna lakkhawm a nih thuai theihna turin forensic kit dah vek a ni dawn bawk.