PM Modi-a'n Swachh Bharat Mission 2.0 leh AMRUT a hawng

Prime minister Narendra Modi chuan nimin khan sorkar laipui flagship programme pahnih, Swachh Bharat Mission-Urban thawh hnihna leh Atal Mission for Rejuvenation and Urban Transformation (AMRUT) chu New Delhi-a Ambedkar International Centre-ah a hawng.

He mission pahnih hi India ram khawpuite bawlhhlawlh awm lohna leh tui hnianghnar an neih theihna tura hmalakna a ni.

Swachh Bharat Mission 2.0 hian khawpui fai, bawlhhlawh awm lohna siam a tum tih PM chuan sawi a, khawpuia bawlhhlawh intiangkhawm ṭhinte chu he hmalakna thar hmang hian tihbo vek a ni ang, a ti. A thawh hnihnaah hian sewage leh safety management lam pawh a huam tel dawn tih a sawi. Faina beihpui thlaknaah hian kum naupang zawkte pawhin an theih angin hma an la tih sawiin, khawlaia toffee eina kawr paih loin an ipteah an ak tawh a, puitling zawkte pawh khawtlaia bawlhhlawh paih lo tura hrilhtu an ni tawh zawk a ni, a ti.

AMRUT 2.0 hmang hian urban local body 4,700 huam chhungah in tinte tui supply pek tum a ni bawk. Hemi atan hian 'tap' connection vaibelchhe 2.68 siamin, AMRUT city 500-ah sewer/septage connection vaibelchhe 2.64 vel siam tum a ni bawk a, hei hi mi vaibelchhe 10.5 chuangin an chhawr thei dawn a ni, a ti.