Vaccine lakna atana Aadhaar ngai chungchangah SC-in sorkar laipui leh UIDAI-te hriattirna a pe

Covid-19 vaccine lak dawna Co-WIN portal-a Aadhaar number thehluh tel ngai paih tura ngenna Supreme Court-a thehluh chu nimin khan justice DY Chandrachud kaihhruaiin bench-in a ngaihtuah a, hemi chungchang hi sawifiah turin Unique Identification Authority of India (UIDAI) bakah ministry of health and family welfare (MoHFW) leh ministry of electronics and information technology a hriattir.

Petition thehluttu hian Co-WIN portal chu mipuite tan awlsam leh nuam zawka hman theih tura software-te pawh siamṭha turin sorkar laipui hi a ngen bawk. Covid-19 vaccine la turte tana identification proof-ah Aadhaar card chauh pawm bik lo lo turin a ngen. MohFW-in kaihhruaina a siamah, identification proof atana hman theih pasarih tarlang mah se, verification stage-ah Aadhaar number hi a ngai leh ngei ngei tho niin a sawi a ni. PIL hi Pune based lawyer leh activist, Siddharthshankar Sharma thehluh a ni.