Leave la angin chhinchhiah an ni dawn

Delhi sorkar hnuaia school zirtirtute leh non-teaching staff zinga Covid vaccine la lote chu October 15 aṭang hian school an kal an phal tawh dawn lo a, leave la anga chhinchhiah an ni dawn tih Directorate of Education (DoE) chuan a sawi.

DoE chuan thuneitute chu zirtirtu leh school staff vaccine bikima la lote chu October 15 hmain an la tur a ni a, a nih loh chuan school kal an remtih sak dawn lo a, mahse an kal loh chhung hi leave la anga chhiar sak zel an ni dawn thung tih a tarlang.

"Covid-19 hripui leng hian rampum a chawk buai a, hri kan kai darh lohnan inkaihhruaina dan kan siamte zawm a pawimawh a ni. DoE hnuaia school-te chu a tahtawlin hawn an ni tawh a, School-te chu boruak muanawm tak hnuaia hawn an nih theih nan SoP leh inkaihhruaina dante zawm chu sorkar chuan a ngai pawimawh ber a ni," tiin DoE Director Udit Raj chuan a sawi.

DoE hian district tina education officer leh school principal zawng zawngte chu zirtirtute leh school staff tinten October 15 ral hmaa vaccine an lak hman vekna tura hma la turin a chah a ni.