Sasikala-i nuṭa-in party thar din

Tamil Nadu-a rorellai, AIADMK hotu hlui leh Tamil Nadu chief minister hlui J Jayalalithaa-i thachhang dawltu ṭhin, eiruk thubuai avanga jail-a tang mek VK Sasikala-i nuṭa V Dhivakaran chuan political party thar a din.

Dhivakaran hian a party din thar hi Jaya-i (Amma) hming chawiin 'Amma Ani' tih a vuah a, Chennai-ah office hawn thuai a tum tih a sawi. Hemi hma hian Sasikala-i vahpa, AIADMK hruaitu

hlui TTV Dhinakaran chuan Jaya-i hming chawi vek hian political party thar, Amma Makkal Munnetra Kazhagam (AMMK) tih a lo din tawh bawk. Dhinakaran-a hian Jaya-i bial thihsan, RK Nagar-a by-election neihah chuhin thlan tlin a ni.

Dhivkaran leh Dhinakaran-te hi an inkar boruak a ṭha lo hle a, ṭawngkam pawhin an inbei nasa thei hle. Dhivkaran chuan party thar adin chu Jaya-i chawi nun lehna tur a ni tih a sawi a, Dhinakaran erawh chuan a pu hi thinrim leh beidawn vanga pawl din thar mai niin a sawi thung.