Chandigarh-a private school ten sum lakluh leh hmanral zat tarlang dawn

Chandigarh-a private school leh unaided educational institute-te chu kum khat chhunga an sum lakluh leh hmanral zat tarlang zel tura hriattir an ni a, hei bakah hian academic session laiin an fee-te an duh anga an tihsan phalsak an ni lo bawk.

Home Ministry-a Union Territory (UT) division chuan hriattirna tichhuakin, private school-in a sum lakluh chu pawl leh school management committee-a mi pakhat hminga pawhpen theih a nih loh thu a sawi. He hriattirna tihchhuah a nih hma hian sorkar laipui chuan Chandigarh, An Union Territory, the Punjab Regulation of Fee of Unaided Educational Institution Act, 2016 chu siamṭhain pawhsei a lo remti tawh a ni.

Sorkarin hriattirna a tihchhuahah, private school leh unaided educational institution-te chuan an sum lakluh, hmanral leh balance sheet chu an website-te an tarlang vek tur tih a ni a, academic year ṭan dawna booklet tihchhuah leh admission form-ah fee lakdan kimchang tarlan tur a ni a, hei hi website-ah tarlan a ni bawk tur a ni. Academic session laklawh laiin eng hunah mah fee tihsan phal a ni lo, a ti. Fee tihsan a nih pawhin an fee lak hnuhnung ber aiin 8% in a sang tur a ni lo, a ti bawk. Dan zawm lote chu sum ṭhahnem tam tak chawi tir theih an ni ang.