Indian Army-in LAC-ah K9-Vajra howitzer a dah

Indian Army chuan Ladakh-a China nena inrina, Line of Actual Control (LAC)-a forward area-ah a ṭul huna hman theih turin K9-Vajra self-propelled howitzer regiment a dah.

Howitzer hi kum 2018-a sorkar laipuiin sipaite hman tur ralthuam tam tak a lei zinga mi a ni a, K9-Vajra hian kilometre 50 thlenga thui a kap thei a ni.

K9-Vajra self-propelled howitzer bihchianna :
• 155mm/52 calibre silai hi 'Make in India' hmalakna hnuaia Gujarat-a Armoured Systems Complex of Larsen and Toubro (L&T)-a siamchhuah a ni.
• K9-Vajra unit 100 supply turin L&T hian defence ministry aṭangin kum 2007 khan contract Rs vaibelchhe 4,500 hu an ziak a ni. Comapany hian Surat aṭanga km 30-a hla Hazira-ah hmunpui an nei.
• Defence ministry contract-ah hian thla 42 chhungin K9-Vajra unit 100 pe chhuak turin inremna an siam.
• Tank 10-te chu South Korea-a Hanwha Techwin aṭanga lakluh an ni a, L&T chuan a remkhawm hna an thawk thung.
• Tank hi tonne 50 a rit niin, bomb kg 47-a rit a kapchhuak thei a ni.
• Howitzers te hi khawihmunah pawh ding se zero radius turning angle an neih avangin inher sawn an awlsam em em a ni.