Rahul-a'n dawt sawiah sorkar a puh

Congress president Rahul Gandhi chuan Prime Minister Narendra Modi-a kaihhruai sorkarin ramchhunga thingtlang khua zawng zawngah electric eng an pe thei ta nia an tarlan chu dawt a nih thu a sawi.

Rahul Gandhi chuan a twitter-ah Modi-a kaihhruai sorkar chuan dawt a sawi leh ta tih tarlangin, sorkar thusawi dan leh a taka thil thleng chu thil inang lo tak a ni, a ti. Hemi hma hian finance minister hlui, Congress hruaitu hlun P Chidambaram pawhin prime minister thusawi chu thil awihawm loh tak a nih thu leh, sorkar hmasa hnathawh raha hmingthaṭna lo lak tumah a puh a ni.

Congress communications incharge Randeep Surjewala chuan BJP kaihruai NDA sorkar chu Congress sorkar hna thawh rah seng tum leh, hmingṭhatna lo lak tumah a puh a, NDA sorkar a din chuan ramchhunga thingtlang 18,452 chauh chu electric eng luh lohna a awm tawh a ni, a ti.

Surjewala chuan a twitter-ah hemi chungchang hi tarlangin, kum 2014 May thlaa BJP in sorkarna an chan khan thingtlang khaw 18,452 chauhah electric eng pek a la ni lo a, BJP sorkar chuan heng khuaa electric pekna tur hian thla 46 zet hun a hmang a, kum khatah thingtlang khaw 4,813 chauhah electric eng pe hman ang a nih thu a sawi.