Taj Mahal siamṭha turin sorkar hriattir

Supreme Court chuan hmun hmingthang leh khualzinte hiptu pawimawh tak, Taj Mahal chu a rawng a inthlak danglam nasa tawh hle nia sawiin, ngaihvena siamṭha turin sokar laipui a hriattir.

Supreme Court chuan Taj Mahal rawng hi a hma aiin a eng sawt hle a, mahse a hnuah a rawng hi a uk leh hringah a inthlak chho leh niin a sawi. Hei vang hian sorkar laipui chu ramchhung leh ram pawna mithiamte rawn a, thil awmdan enfiah a, siamṭhat tum turin a ti a ni. Justice MB Lokur leh Deepak Gupta awmna bench chuan environmentalist MC Mehta-a'n Taj Mahal rawng danglam chak chungchang leh, ngaihven a ngaih thu petition a thehluh chu nimin khan an ngaihtuah a ni.

Court chuan May 9 hian hemi chungchang hi ngaihtuah chhunzawm turin a dah a ni.