Mumbai-ah Labour Union- ten nawrh huaihawt

Trade union hrang hrang 34-te chuan Thawhlehni khan International Labour Day den-chhenin Mumbai-ah nawrh an huaihawt a, sorkar laipui chuan minimum wage ennawn turin an phut.

Nawrh huaihawtnaah hian mi 5,000 chuang an tel a, centre-a BJP kaihhruai National Democratic Alliance (NDA) sorkar chu anti-labour policy kalpuiah an puh a, hnathawktute hamṭhatna ngaihtuahsak loah an puh a ni. 

Trade union-te chuan sorkar laipui chuan an thil phutte a ngaihsak lo anih chuan kum 2019 inthlanpui neih hunah an laka an lungawih lohna chu a taka lantir a ni dawn a ni, an ti. Trade union-te hian minimum wages leh pension ennawna siamṭhat bakah contract system tibo turin an phut a ni. Nawrh huaihawt hi Shiv Sena hruaitu Suryakant Mahadik leh Mangesh Kudalkar-te chuan an telpui a ni.