Lakhimpur buaina : MoS Vajya fapa lakah FIR thehlut

Uttar Pradesh-ah Lakhimpur-a loneitute nawrh huaihawtna hmuna buaina chhuaka mi pariat thihna thleng chungchangah union minister of state for home, Ajay Mishra fapa, Ashish Mishra leh midang eng emaw zat lakah FIR ziahluh a ni.

Pathianni khan loneituten Lakhimpur-ah nawrh an huaihawt a, pungkhawmte hi SUV pathumin va suin an intibuai zui a ni. Motor pakhat hi union minister Ajay Mishra-a ta a ni a, a fapain a khalh nia sawi a ni. Buaina chhuak vang hian mi pariat an thi a, midang 15 velin hliam an tuar bawk. Thi zinga pali hi loneitu an ni.

Eptu party hrang hrang leh loneitu pawlte chuan Lakhimpur-a thil thleng hi an dem thu an sawi a, nimin Congress general secretary Priyanka Gandhi leh Congress hruaitu dangte chu buaina chhuak thi chhungte hmu turin an kal.

Loneitu pawl, Bharatiya Kisan Union (BKU)hruiatu Rakesh Tikait pawhin nimin khan Lakhimpur hi a pan ve nghal bawk.