Cabinet-in AIIMS 20 dinna tur a pawm

Prime Minister Narendra Modi kaihhruaia Nilaini-a Union Cabinet meeting chuan ramchhung hmun hrang hrangah All India Institute of Medical Sciences (AIIMS) 20 dinna tur ruahmanna siam chu an pawm. Heng zinga paruk chu din ni tawhin, medical college 73 upgrade a ni dawn bawk.

Union Minister Ravi Shankar chuan cabinet thutlukna siam hi chanchinbu mite hrilhin, he thutlukna hi Pradhan Mantri Swasthya Suraksha Yojana (PMSSY) peng pakhat hnuaiah siam a ni tih a sawi a, PMSSY hi kum 2020 thleng atan pawhsei niin hemi atan hian cheng vaibelchhe 14,832 dah a ni.

Union Law and Information Technology Minister chuan PMSSY hnuaiah hian AIIMS 20 din thar a ni dawn a, paruk chu siam a ni tawh tih a sawi. Medical college 73-te tihchangtlun an ni dawn bawk tih sawiin, cabinet thutlukna siam chu thil chhinchhiah tlak a ni, a ti.

AIIMS tam tak din thar chuan health education leh training lam a siamṭhat bakah, hei hian state hrang hrangah mi tam tak tan hna thawh tur a siam thar phah dawn a ni, a ti. AIIMS tinah hian faculty leh non-faculty post atan mi 3,000 dawnin hna an neih phah dawn niin a sawi. AIIMS thar siamna tur hi sorkar laipuiin a tum vek dawn a, a enkawl zuina pawh a tum bawk ang.