JD(U) hruaitu hlunin party chhuahsan

Janata Dal (United) hruaitu hlun leh Bihar Assembly Speaker hlui Uday Narayan Chaudhary chuan JD(U) party a chhuahsan thu a sawi.

Bihar-a Dalit hruaitu huhang ngah tak, Chaudhary chuan Bihar Chief Minister Nitish Kumar-a kaihruai NDA sorkar chu Dalit-te duhsak loah a puh a, sorkar thiltih danah a lungawi loh leh rilru nat avangin JD(U) chu a chhuahsan tih a sawi. Bihar sorkar hian Dalit zirlaite tana scholarship pek ṭhin a titawp a, SC/ST-te humhalhna dan tihdal tum chungchangah sorkar chuan aw a chhuah duh lo bawk a, judiciary-a Dalit tana reservation siam chungchangah pawh engmah a sawi duh lo a ni tiin, Chaudhary chuan an state-ah Dalit hnam beihna pawh a thleng hluar hle niin a sawi bawk. BJP chu mirethei leh hnam hnuaihnung zawkte ngaihthah a, thiltithei leh hausa zawkte chauh vulh lianah a puh a ni.