Siddaramaiah-an debate neihpuiah Modi leh Yeddyurappa cho

Assembly inthlan neihna tur, Karnataka Chief Minister leh Congress hruaitu Siddaramaiah chuan Prime Minister Narendra Modi leh BJP CM candidate BS Yeddyurappa-te chu open debate neihpuiah a cho.

Congress hruaitu hian Bengaluru chanchinbu-ah PM Modi leh BJP CM candidate-te chu Karnataka-a rorellai party chungchang dik lo taka puh leh dawt sawiah a puh a, open debate nei turin a cho zui a ni. Siddaramaiah chuan, "PM Modi chuan thil awmze nei loa thu a sawi fo avangin Karnataka voter-te pawh a ti chiai a ni. Ani nen inkhing tur kan ni lo a, Yaddyurappa nena inkhing zawk kan a ni. Yaddyurappa hi open debate neihpui turin ka cho a, Modi pawh a duh chuan a tel thei ang" a ti.

Congress sorkar chuan a thutiamte a hlen a ni tih sawiin, Siddaramaiah chuan dik lo taka sorkar leh an party an puhna chu titawp turin a ti. Debate neiin, Karnataka mipuite chuan tunge thu dik sawi zawk chu an lo thlang mai dawn a ni, tiin a sawi. Debate hi eng hunah pawh, eng hmunah pawh neih a inhuam thu a sawi bawk.

Congress party president Rahul Gandhi pawhin PM Modi chu Congress party hnathawh tawhna aṭanga hmingṭhatna lo lak tumah apuh bawk. Rahul chuan Karnataka sorkar chuan SC/ST sub plan siamṭhain, Dalit leh Adivasi-te tan 24% dahsak an ni tih a sawi. PM Modi chuan Congress scheme siamte hmang ṭha leh a, a hmingṭhatna tel dan a thiam em avangin Karnataka sorkarin scheme siam pawhin central lama copy tura a ṭhat tur thu sawiin a tiel zui a ni.