CM hlui parukten bungalow an chhuahsan ngai dawn

Supreme Court chuan Uttar Pradesh sorkarin an chief miniser hluite an damchhunga bungalow an luah chhunzawm theihna tura dan a siam chu a hnawlsak a, chief minister a nih tawh loh chuan khua leh tui naran (common citizen) ang a ni tawh a ni, a ti.

Jutice Rajan Gogoi-a kaihhruai chuan CM hlui leh mi narante inkarah danglamna a awm tur a ni lo tiin, hetianga duhsakna hleihluak pek hian Article 14 hnuaia mipuite intluktlanna a palzut a ni, a ti. Chief Minsiter chu tupawh ni se, a office a chhuahsan hnuah chuan khua leh tui naran ang a ni tawh a ni. A hna lo chelh tawh vangin venhimna chu pek zui theih a la ni thei a, mahse a damchhunga sorkar bungalow a luah chhunzawm phalsak chu pawm theih a ni lo tiin a sawi.

Court thupek avang hian UP CM hlui Mulayam Singh Yadav, Mayawati, Akhilesh Yadav, Kalyan Singh, Rajnath Singh leh ND Tiwari-te hnena bungalow pek chu tihtawp a ni dawn ta a ni.