Congress MP-ten CJI paih thlak phutna SC-ah thlen

Congress MP pahnih chuan nimin khan Supreme Court-ah Chief Justice of India Dipak Misra paihthlak an phutna chu Vice preident leh Rajya Sabha chairman Venkaiah Naidu hnenah kalpui tura hriattir tura ngenna an thlen.

Petition thehlutte hi Rajya Sabha Partap Singh Bajwa leh Amee Harshadray Yagnik-te an ni. Naidu hian eptu MP-ten CJI paihthlakna motion an thehluh chu alo hnawlsak tawh a ni. Court-a petition an thehluhah, Congress MP-te chuan Naidu-a thutlukna siam hi poltics inrawlh nia puhin, a thutlukna siam chu dan kalh a ni tia hnawl tur niin an sawi.

Rajya Sabha chairman hian CJI paihthlak an phutna hi a hnawl ngawt thei lo a, Justice Misra an puhna chhui tur hian Judges' Inquiry Act hnuaiah inquiry panel a din zawk tur a ni, an ti. Chhui chianna awm si loin an puhna hi hnawl ngawt theih a ni lo tih an sawi.