PMGKY scheme-in Anganwadi-a thawkte huam tel dawn

Sorkar laipui chuan Anganwadi-a thawkte chu Pradhan Mantri Garib Kalyan Yojana insurance scheme-in a huam zingah a telh. He scheme hnuaiah hian insurance hi cheng nuai 50 thleng pek theih a ni.

Ministry of Women and Child Development tarlan danin Angan­wadi-ah hian thawktu 13,00,029 leh anmahni puitu 11,79,000 an awm a, hengte bakah Covid-19 kaihhnawiha duty-te chu insurance hian a huam tel ve tawh dawn a ni.

PMGKY Insurance Scheme hnuaiah hian public healthcare provider leh community health worker, Covid-19 kai nena direct contact nei leh hri kai mai thei dinhmuna dingte chu huam an ni. Private hospital staff leh retired/volunteer/local urban bodies/contract/daily wage/ad-hoc/outsourced staff requisitioned by States/Central hospitals/ Central/States/UT-a autonomous hospital, Central Ministry hnuaia AIIMS leh INIs/hospital-a hnathawkte pawhin Covid-19 kaihhnawiha an duty laia chetsualna an tawk emaw Covid-19 vanga an thi emaw a nih chuan Rs nuai 50 thleng insurance cover an nei thei ang.

Tun thleng hian health insurance lama hamṭhathna hi health worker-te chauh huam tir an la ni a, tunah chuan Anganwadi worker pawh huamtir an ni dawn ta a ni.

State sorkarte hnenah Angan­wadi-a thawk, Covid-19 kaihhnawiha duty ṭhinte list chu siam a, sorkar laipuia thawn tura hriattir an ni.

Ram chhunga hripui a len tirh aṭang khan Anganwadi-a hnathawk­te hi Covid kaihhnawihah an duty fo a ni. Heng zingah hian frontline activities, door-to-door survey, facilitated in institutional deliveries, nu nau pai Covid positive enkawl, vaccine semchhuah kawngah leh Covid kaihhnawih dang thil pawimawha duty-naah an tel fo a ni.