Karnataka-in Tamil Nadu hnenah tui pek belh thei lo

Karnataka sorkar chuan Cauvery lui tui chu Tamil Nadu hnenah a pek belh thei lo tih a sawi.

Supreme Court-a affidavit a thehluhah Karnataka chuan Tamil Nadu hnenah hian Cauvery lui tui hi dawn tur zat aia tam an pe tawh nia sawiin, a pek belh thei tawh lo tih a sawi a ni. Karnataka Chief Minister Siddaraiamah kaihhruai Congress sorkar chuan Tamil Nadu-in Cauvery lui tui a dawn tur 100.04 tmcft a nih laiin, 116.697 tmcft an pe tawh niin a sawi a ni. Anmahni state ngei pawhin tui indaih lohna an tawh laiin Tamil Nadu hi a chan tur aia tam pek a ni, a ti.

Tamil Nadu pawhin Thawhṭanni vek khan Supreme Court-ah affidavit thehlutin, Karnataka chu SC-in a pawmpui, tribunal thupek palzutah a puh. Karnataka chu dan siamtu ang maia cheah a puh a, sorkar laipui chu Cauvery Management Scheme tana scheme siam thuai turin a phut bawk.