Sir Syed Ahmed Khan thlalak aia Modi-a thlalak dah a nih dan chhui dawn

Aligarh-a Khair khuaa Public Works Department guest house-ah Aligarh Muslim University (AMU) founder Sir Syed Ahmed Khan-a thlalak chu dah boin, a aiah Prime Minister Narendra Modi-a thlalak dah a ni a, he thil thlen dan hi chhui chiang turin Aligarh district magistrate Chandra Bhushan Singh chuan thupek a tichhuak nghal.

Singh chuan, "PWD guest house hi sorkar ta a nih avangin PM Modi-a thlalak tar hi thil awm lo a ni lo a, mahse AMU founder thlalak dahbo a nih chungchang erawh chhui chian a ni ang", a ti. Sir Syed-a thlalak hi kar hmasa aṭang khan dahbo nia sawi a ni.