January 1-ah nau piang 3,92,078 awm India ramah nau piang tam ber

Kumin kumtir, January 1 ni khan khaw­vel pumah nau piang 392,078 an awm thu UNICEF (Uni­ted Nations Children's Fund) data tih­chhuah tharah tarlan a ni. 

India ramah nau piang thar hi tam berin, mi 392,078 zinga 67,385 chu India rama piang a ni. A dawtah China-ah nau piang hi tam lehin January 1-a piang 46,299 an awm a, Nigeria-ah 26,039, Pakistan-ah 16,787, Indonesia-ah 13,020 leh US ah nau piang 10,452 an awm bawk. 

India rama kum thar niah nau piang hi khawvel puma nau piang zat aṭanga 17% an tling pha a ni. January 1 nia naupiang hmasa ber hi Fiji rama piang a ni a, hemi ni veka naupiang hnuhnung ber chu US-a piang a ni thung.  Khawvela mihring tamna ber ram chu China a ni mek a, mahse kum 2027-ah India-in a lehpel rin a ni. Kum 2019-ah China rama mihring awm zat hi tluklehdingawn 1.43 a ni a, India-ah tluklehdingawn 1.37 an awm.  UN in a chhut danin, India rama mipui hi kum 2019 leh 2050 chhungin maktaduai 273 in an pung dawn a, Nigeria ram mipui pawh maktaduai 200 velin an pun rin a ni bawk. 

Kum 2050-ah chuan heng ram pahniha mihring awm zat hi khawvel puma mihring awm zat aṭangin 23% an tling pha ang.