Cabinet-in mega textile park 7 dinna tur pawm

Union cabinet chuan Nilaini khan textile sector tih len a, investment tam zawk hip luh leh hna tam zawk siamna turin mega integrated textile park pasarih siam rawtna a pawm.

PM-MITRA scheme hnuaia mega textile park pasarihte hi kum nga chhunga siam tur niin, hemi atan hian sorkar chuan cheng vaibelchhe 4,445 a ruahman a ni.

Park siam tur hi sorkar laipuiin 'Farm to Fiber to Factory to Fashion to Foreign' chawilar a tumna peng pakhat niin, heng hmang hian hnathawh tur direct-in nuai khat vel leh, indirect-in nuai 2 vel siam thar a ni thei dawn tih textiles minister Piyush Goyal chuan a sawi.

India hi khawvela test products leh apparel siam chhuaktu lian ber ram zingah a tel mek a, textile leh apparel industry aṭanga sum lakluh hi GDP-a 5% a tling pha a ni, India-in bungrua a thawnchhuah aṭanga a sum hmuh zawng zawng zinga 12% a ni pha bawk.