Lalu Yadav-a'n media mite a kawm khap

Ranchaw man tihchingpen thubuaia thiam loh chantira jail-a tang, Rashtriya Janata Dal (RJD) hotu Lalu Prasad Yadav-a chu a fapa nupui neihnaa a tel theihnan parole-a chhuah tir a ni a, mahse a chhuah chhung hian a kal velnate record vek a nih dawn bakah, media mite a kawm khapsak a ni bawk.

Lalu Yadav hian nimin khan Ranchi aṭangin Patna a pan a, amah vengtu tur hian Ranchi police team khat chu Patna-ah hian tirh an ni tawh bawk. Lalu ven hna hi Bihar leh Jharkhand police-te'n an thawk dawn a, DPS rank official pali chu Lalu-a security pek chungchangah mawhphurhna pek an ni bawk.

Parole-a a chhuah chhung hian Bihar CM hlui hian a inah politician, party worker leh media mite a hmuh khapsak a ni.