Sorkarin Ambedkar-a duhthusam tihpuitlin a tum : PM Modi

11th May, 2018

Prime Minister Narendra Modi chu May 12-a Assembly inthlan neihna tur, Karnataka-ah a campaign a, a kaihhruai sorkar chuan BR Ambedkar-a'n India ram chak leh hausa siam a duhthusam chu tipuitling turin an bei zel dawn tih a sawi.

Karnataka-a rorellai Congress party chu beiin, thuneihna an chan laiin Ambedkar hi Bhatna Ratna pawh an pe duh lo niin a puh.

Modi hian Karnataka BJP-a SC, ST, BC leh Slum Morcha worker-te hmaa Narendra Modi app kaltlanga thu a sawiah, BJP sorkar chuan Dalit leh hnam hnuaihnung zawkte chawikanna turin theihtawp a chhuah thu leh, SC/ST (Prevention of Atrocities) Act pawh khauh zawka a siam thu a sawi. BJP worker-te hnenah Parliament member tam zawk chu SC/ST, OBC leh minority community member-te an nih thu a hrilh bawk.