India-China corps commander talk nei leh dawn

China sipaiten Barahoti leh Arunachal Pradesh-ah India ram chhunga rawn luh an tum nia sawi thawm a awm leh karah ram pahnihte corps commander talk vawi 13-na neih leh thuai an tum.

Kum 2020, April-May a China sipaiten Ladakh-a Line of Actual Control (LAC) pela India ram china an rawn luh avangin ramriah ram pahnih sipaite hi hun rei tak an inep zui a, hei vang hian inremna siam dan kawng zawngin inbiakna hi neih chhoh a ni.

Indian Army lam chuan ni thum ni li hnuah inbiakna hi neih tum a ni tih sawiin, a ni tak erawh an la rel fel lo tih an sawi. Army chief Gen Manoj Mukum Naravane pawhin October chawhma lamah inbiakna hi chhunzawm tum a nih thu a lo sawi tawh bawk.