CBI director Subodh Jaiswal thu zawhfiah turin ko

Mumbai Police cyber cell-te chuan kar liamta Inrinni khan CBI director leh Maharashtra DGP hlui Subodh Kumar Jaiswal chu phone-tapping leh data leak case kaihhnawihah thu zawhfiah turin an ko.

Jaiswal hi October 14-a amah insawifiah tura ngen a nih thu police official te chuan an sawi.

IPS officer Rashmi Shukla-i'n state intelliegence department hotu a nih laia Mahaharastra-a police transfer chungchanga thil dik tawk lo awm nia report a putruk chungchangah Jaiswal hi thu zawhfiah tura koh a ni. He thil thlen lai hian director general of police a ni.

He thil thleng chhui lai hian senior politician leh official-te inbiakna chu lo ngaihthlak ruk nia sawi a ni a, report pawh hi tum reng vanga tihput chhuah nia sawi a ni bawk. Mahse hemi chungchanga FIR ziahluhah hian cyber cell chuan Shukla leh official dangte hming a tarlang tel lo thung.