J&K-a inbeihnaah sipai 5 an thi

Jammu and Kashmir-a Poonch district-ah nimin khan security force leh firfiakte inbeihnaah sipai panga an thi a, an zingah hian army officer pawh a tel.

Tun hnaia India rama lut firfiak ṭhenkhat chu Dera Ki Gali khaw bulah an awm tih thu an dawn avangin secruity force-te hi an kal a, firfiakte hi lo biruin search party-te hian an lo kap ani, sipaite hian kap letin an inbei zui ta a ni.

Inbeihnaah hian Junior Commissioned Officer leh sipai dang paliten hliam na tak tuarin, sipai hospital-a hruai an nih hnuah an hliam tuar loin an thi a ni.

Nimin tlai lam thleng khan security force leh firfiakte hi an la inbei zui niin defence thupuangtu chuan a sawi a, sipai pawh tirh belh an ni bawk.