Rahul-a'n thudik sawi duh loah PM a puh
Congress party hruaitu Rahul Gandhi chuan nimin khan China-in Ladakh huam chhunga hmun ṭhenkhat a luah nia sawi chungchangah thuchiang sawi tura prime minister Narendra Modi a phutna chu, a chhang duh lo niin a sawi.
Rahul chuan China ho chu India ramah rawn lutin Ladakh-a ram an rawn la a, mahse hetih chhung zawng hian PM chu a ngawi tlat a, a bibo daih a ni, a ti. China leh India ramri chungchangah thu chiang sawi turin Rahul chuan sorkar laipui chu a ngen a, China chuan Ladakh bialah India ram an rawn la ṭhen ngei em tih te sawifiah turin a phut a ni.