Army Chief-in Sri Lanka a tlawh

Chief of Army Staff general MM Naravane chu ni li cham turin nimin khan Sri Lanka-ah a zin a, ram sipaite thawhdunna zau zawk neih dan tur leh security lam kalpui dan turte Sri Lanka hotute a sawipui ang.

Army chief hian Sri Lanka sipai hotute inbiaknate a neihpui dawn a, an ram president Gotabaya Rajapaksa leh prime minister Mahinda Rajapaksa-te pawh a kawm ang.

General Naravane hian Army Chief a nih hnua Sri Lanka a tlawhna hmasa ber niin, a zin hma lawk hian foreign secretary chuan lo zin hmasain kawng hrang hranga ram pahnihte thawhdunna tihlen dan turte a lo sawipui tawh bawk.

Colombo-ah Sri Lanka Army commander leh chief of defence staff, general Shavendra Silva chuan General Naravane hi a lo hmuak a ni.