Indian Army-ten special jacket dawng dawn

Indian Army-te chuan AK-47 assault rifle mu laka him theihna tur special bulletprooj jacket and dawng thar dawn.

AK-47 hi khawvela assault rifle hlauhawm ber zinga ngaih a ni a, mahse Indian Army-te chuan heng silai mu laka himna tur bulletprooj jacket hi an nei dawn a, an jacket dawn thar hi AK-47 mu pawhin a kah chhiat theih loh tur nia sawi a ni. Defence Materials and Stores Research and Development Establishment (DMSRDE) chuan kum nga chhung zet zirchianna an neih hnuah jacket hi India ramah an siam a ni. He jacket hi pakhat kg 10.4 a rit a ni a, a hmaa bulletproof jacket dang hman tawhte aiin zang zawk mah se a chak zawk dawn niin DMSRDE official chuan a sawi.

Indian Army-te hian Vietnam War laia US sipaiten hmelma sipaite awmna hriat theihna leh beihna atana an hman ṭhin, 'Air Cavalry' chu nimin khan Rajasthan thlalerah an enchhin. 'Air Cavalry' hnuaiah hian helcopter chu tank leh ground force-te nen an thawkho a ni. He ruahmanna hnuaia attack helicoptert chuan hun reilote chhungin an target an hmuin an bei thei dawn a, mission pawh awlsam leh hlawhtling takin an nei thei dawn a ni.