Supreme Court-in jail tawt lutuk a ngaimawh

Supreme Court chuan ramchhunga jail hrang hrang tawt lutuk chu a ngaimawh hle a, high court-te hnenah he thil hi ngaihven turin a hrilh.

Supreme Court chuan jail ṭhenkhatah chuan a awm thei zat tura aia 150% zeta tam te dah an ni tih sawiin, hei hi human rights palzutna a ni, a ti. Hei vang hian high court chief justice-te chu he thil hi ngaihven a, State Legal Services Authority/High Court Legal Services Committee-te nena a chinfel dan ngaihtuah turin a ti a ni. Justice Madan B Lokur leh Deepak Gupta awmna bench chuan hemi chungchanga thupek hi high court tina registrar general hnenah a copy thawn vek turin apex court secretary general chu an hrilh a, report pe leh turin a ti bawk.

Sorkar laipui chuan Ministry of Women and Child Development in National Commission for Women leh National Law University kaltlangin ram chhunga tan-ina hmeichhia leh naupang awmte a zirchian mek thu a sawi a, June 30-ah he zirchianna hi zawhfel hman a nih tur thu bench a hrilh. Ministry chuan he zirchianna aṭang hian a ṭul anga hma a lak nghal tur thu a sawi bawk a ni.