Congress-in Goa-ah full time CM dah phut

Goa Chief Minister, BJP hruaitu Manohar Parrikar chu US-a a damlo enkawl mek a ni a, hun eng emaw chen a awm bo tawh vangin

Goa Congress chuan a awm loh chhunga a ai lo awh tur, full time CM dah an phut tih an sawi.

Congress MLA leh office-bearer-te chuan nimin khan Goa chief minister hmasa ber, Dayanand Bandodkar-a hriatrengna hmun siamah full-time CM dah phutin nawrh an huaihawt a ni.

Kum 62 mi, CM Parrikar-a hi a pum lam ṭha lo enkawl a nih chhung atan hian a ṭul anga a hna te lo enpui turin cabinet minister pathum awna advisory committee siam a ni. Mahse Congress chuan CM hna chanpualte committee kuta dah ngawt loin, a hna a thawh zawm theih hma chu a aiawhtu tur full-time CM dah an duh thu an sawi a, hemi chungchang hi governor hnenah pawh an thlen tawh a, mahse tun thlengin an ngenna chu tihhlawhtlin a ni lo tih an sawi.