Dan bawhchhia Kum 6 thleng lungin tan tir theih

Delhi environment minister Gopal Rai chuan halmawi/halpuah khapna dan hman bawhchhiate chu Air (Prevention and Control of Pollution) Act hnuaiah kum ruk thleng lungin tan tir theih an nih thu a sawi.

Heng halmawite leh puakthei thilte khap chungchangah hian Delhi Pollution Control Committee (DPCC) chuan guideline a tichuak nghal a, khapna dan zawm lote chu Delhi police-te chuan Air Act hnuaiah hian FIR an siamsak thei tih  tarlan ni. 

State ṭhenawm aṭanga Delhi-a municipal corporation huam chhunga halmawi leh halpuah hralh tuma phur kualtute chu Delhi police-ten an thlithlai zel dawn tih DPCC guideline chuan a tarlang bawk.

Khapna dan bawhchhetute hi pawisa chawitir theih an ni bawk a, kum chanve aia tlem lo lungin tantir theih an nih ruali, kum ruk thleng an tang thei dawn bawk a ni. Delhi-a boruak bal tihziaawm a nih theih nan hian DPCC chuan meeting neiin inkaihhruaina hi an tichhuak a, he hunah hian environment minister bakah district magistrate-te, Delhi police-te leh environment and revenue department aṭanga mi pawimawhte an tel a ni.

DPCC chuan sorkar agency leh department-te chu he khapna dan kengkawh tur hian NGO leh tualchhung welfare association-te chu hma lak pui tura sawm turin a ti bawk.

Pathianni khan National Green Tribunal (NGT) chuan Delhi leh National Capital Region (NCR) huam telin November 9 zanlai aṭangin November 30 thleng halmawi leh halpuah lam chi lei leh hralh khapna thupek a tichhuak a ni. 

Delhi sorkar pawhin November 7 aṭanga November 30 thleng atan khapna thupek hi a lo tichhuak ve tawh bawk.