India ramah Covid-19 kai thar 15,823 awm
India ramah Thawhlehni khan Covid-19 kai thar 15,823 an awm belh leh a, Thawhṭanni aiin hri kai thar hi 10.5% in a pung leh tih Union Ministry of Health and Family Welfare (MoHFW) chuan nimin khan a sawi. India ramah Covid-19 kai hmuhchhuah tawh chu mi 3,40,01,743 an awm tawh a ni.
Kerala-ah hri kai thar mi 7,823 an awm a, Maharashtra chuan dawtin mi 2,069 an awm a, Tamil Nadu 1,289, Mizoram 1,224 leh West Bengal-ah 768-te chu hri kai hmuh chhuah thar tam zualna state an ni. Heng state pangaah hian rampuma hri kai thar zat aṭanga 83.26% an awm tling a, Kerala state bikin hri kai zinga 49.44% an nei phak leh a ni.
Thawhlehni khan Covid-19 vanga thi mi 266 an awm a, thihpui zat chu mi 4,51,189 an tling tawh a ni. Hri vanga thi zinga mi 106 te chu Kerala state chhunga mi an ni a, Maharashtra-ah thihpui mi 43 an awm bawk.
Hetih lai hian dama puan 22,844 an awm thar leh a, rampumah dama chhuahtir zawng zawng chu 3,33,42,901 an tling tawh. Nimin zing thleng khan India rama recovery rate chu 98.06% a ni mek a ni.
India ramah hri kai mek chu mi 7,247-a tlahniamin, mi 2,07,653 an awm.
Thawhlehni khan vaccine dose 50,63,845 semchhuak lehin, ram puma vaccine semchhuah tawh hi dose 96,43,79,212 a tling tawh a ni.