Ni 112 chhungin oxygen plant 2,500 dawn bun hman

India chuan ni 112 chungin district 736-a sorkar hospital hrang hrangah Pressure Swing Adsorption (PSA) oxygen generation plant 2,494 hman theih turin bun a ni. Heng PSA bun tharte hian nikhatah medical oxygen tonne 3,324 an pechhuak thei dawn a ni. PSA bun thar zingah hian PM CARES Fund aṭanga siam 1,183 a tel.

"Tun thla ral hma ngeiin PM CARES Fund hmangin PSA oxygen generation plant 41 dang din leh hman ngei kan tum a ni. He hmalakna hi mission mode hmanga kalpui niin sorkar pumpui ṭanrualzia entirtu a ni. Hi bakah hian sorkar laipui PSU leh pawl dangte bultumin plant 1,311 pawh bun an ni bawk, " tiin housing and urban affairs secretary Durga Shanker Mishra chuan a sawi.

PM CARES Fund kaltlanga PSA din te hi UT leh state 22-a plant 100% in hna an thawk thei tawh a, state pakua leh UT-ah 90% in hna an thawk tawh a, a bak state pangaah plant dinte chu 90% in hna an thawk thei tawh bawk.

Mishra chuan hri leng vanga ramin harsatna a tawhte chu cylinder supply-a innghat, hospital hrang hranga oxygen plant dinna remchangah a hmang tih sawiin, "Kan hmalaknate hian disrtict hrang hranga damdawi-ina kan mamawhte thui takin min chhawk zangkhai thei dawn a ni. He programme hnuaiah hian technical background nei mi 7,000 chuangte hnenah plant enkawl turin zirtirna kan pe tawh a ni," a ti.