Madhya Pradesh Chief Minister a bang

Madhya Pradesh chief minister Kamal Nath chu House-a a kaihhruai Congress sorkar fiah a nih hmain nimin khan a bang. 

CM banna thehlut hi governor Lalji Tandon chuan a pawmsak nghal a ni. Mahse CM tharin charge a lak hma chuan caretaker chief minister anga awm chhunzawm rih turin a ti. 

Madhya Pradesh Congress hruaitu hlui, Jyotiraditya Scindia-an Congress chhuahsanin BJP a zawm a, Scindia thlawptu MLA ten 22 banna an thehlut zui bawk. Speaker chuan MLA te banna hi a pawmsak vangin, thla 15-a upa Congress sorkar hian sorkar siam chhunzawm turin member a ngah tawk tawh lo a ni. 

Supreme Court thupek angin nimin khan Kamal Nath kaihhruai sorkar hi House-ah fiah tura tih a ni a,  mahse fiah a nih hmain CM aṭanga banna hi a thehlut ta a ni.