UP CM hluite ni 15 chhunga bungalow chhuahsan turin ti

Uttar Pradesh Chief Minister Yogi Adityanath-a kaihhruai BJP sorkar chuan an state chief minister hlui paruk-te chu hriatirna pein, Supreme Court thupek bawhzuiin ni 15 chhunga official bungalow chhuahsan turin a ti.

UP CM hlui parukte hian bungalow an la luah chhunzawm a, an zingah hian Samajwadi Party hotu Mulayam Singh Yadav, Bahujan Samaj Party (BSP) hotu Mayawati leh Union Home Minister Rajnath Singh pawh an tel. Estate Department chuan CM hluite hi nimin khan hriattirna pein, ni 15 chhunga bungalow chhuahsan turin hian a ti a ni.

Kum 2016 August thla khan Chief Minister hlui, Akhilesh Yadav-a hunlaiin Uttar Pradesh chuan chief minister hluite bungalow-a an awm ngheh zui zel phalna dan a lo pass tawh a, mahse Supreme Court chuan kumin May thla khan he dan hi a hnawlsak a ni.