Hizbul Mujahideen-ten an ralthuam ruk thlalak tlangzarh

Pakistan thlawp, Hizbul Mujahideen firfiak pawl chuan Srinagar-a Jammu and Kashmir police-te kut aṭanga silai pathum an ruksak thlalak an tlangzarh.

Hizbul Mujahideen-te hian an Facebook page, Hamzah Hizbi tihah police-te silai an ruksak thlalak hi an tarlang a ni.

J&K police pahnih chuan Ningai tlai khan firfiakten an guard post beiin an rifle an laksak nia an sawi avangin thu zawhfiah tura hren an ni. He thil thleng nia sawi hi mita hmutu an awm lo a, hei bakah hian guard post an beih nia an sawi hi hmun lunlaia awm a ni bawk. Firfiakten silai an laksak nia sawitu police pakhat chu zawn mek a ni bawk.