Ram 30 chuangin India Covid-19 Vaccine certificate pawm
Ram 30 chuangin India Covid-19 vaccine certificate an pawm tawh a, an zingah hian Britain, France, Germany, Nepal, Belarus, Lebanon, Armenia, Ukraine, Belgium, Hungary leh Serbia-te an tel.
Hetih lai hian ram ṭhenkhat - South Africa, Brazil, Bangladesh, Bostwana, China leh Europe ram ṭhenkhat chuan India ram aṭanga khualzin lut turte tana zawm tur Covid-19 protocol erawh an la siam thung a, heng zingah hian an ram an luh hnuah screening neih leh Covid-19 test neihte a la ṭul a ni.
Ministry of external affairs (MEA) thupuangtu Arindam Bagchi chuan kar liam ta khan Hungary leh Serbia ramte chuan India Covid-19 vaccination certificate chu an pawm ve leh tih sawiin, vaccination cerfiticate pawm hian zirna, sumdawnna, leh thil danga zin turte pawh an buaina leh harsatna nei tur tam tak a sutkian phah thei dawn a ni, a ti.