Air Chief Marshal-in Ladakh a tlawh

Air chief marshal VR Chaudhari chuan Inrinni liam ta khan Ladakh-ah kalin, Leh-a Indian Air Force (IAF) station a tlawh a, northern sector-a forward area-a IAF-te inbuatsaih dante a en bawk.

Air base leh unit-a sipai awmte chu Chief of Air Staff hian a kawm nghal bawk a ni.

Pangong lake area-a India leh China sipaite an intihbuai hnuah nikum May 5 khan northern sector-ah hian ram pahnih sipaite hi an inep zui a ni. Ram pahnihte hian ramriah sipai pawh dahbelhin, ralthuamte pawh an dah belh ve ve a ni.

Tum enge emaw zat sipai aiawh leh ram palai aiawhten inbiakna an neih hnuah, ram pahnihte hian nikum August thla khan hmarlama Gongra area aṭangin sipaite hnuhdawh an remti a, kumin February thla khan chhim lama Pangnon lake aṭanga hnuhdawh an remti dun leh a ni. Tunah hian Line of Actual Control-ah hian ram pahnihte hian sipai 50,000 - 60,000 vel ve ve an la dah.