Tunkarah Covid vaccine dose vbc 100 pek hman tum

Union health minsiter Mansuk Mandaviya chuan tun kar chhungin Covid-19 vaccine chu dose vaibelchhe 100 pek chhuah hman tum a ni tih a sawi.

Inrinni khan vaccine hi dose nuai 38 sem chhuah leh niin, Inrinni zan dar 7 thlenga vaccine sem chhuah tawh hi dose vbc 97.62 a tling tawh a ni.

Vaccine sem chhuah thawh thumna kalpui hnuah kum 18-44 inkar mi 39,25,87,450 ten dose khatna a la tawh a, dose hnihna la hi 11,01,73456 an awm tawh bawk. Vaccine sem chhuah ṭan tirh aṭangin ram pumah vaccine dose khatna la tawh hi 69,45,87,576 an awm tawh a, dose kima la tawh mi 28,17,04,770 an awm tawh bawk.

Union Minister chuan vaccine la thei chin zingah dose khatna la hi 70% vel niin, dose kima la hi 30% vel an ni tawh tih a sawi. September 17 khan ni khat chhung dose vaibelcheh 2.5 pek chhuah a ni tih sawiin, theihtawp chhuah chhoh leh chuan tunkar chhung hian dose vaibelchhe 100 hi a tling thei dawn a ni, a ti.