Nikum chhungin Union Minister 12-ten ram lei

Prime Minister Office (PMO) website-a a lan danin, nikum fiscal year chhung khan union minister 12-te chuan anmahni leh an chhungte hminga agricultural leh non-agricultural land bakah Delhi apartment-te an lei.

PMO website-a council of minister 78-te thil neih tarlanah hian nikum chhunga property lei thar zingah cabinet minister pathum - external affairs minister S Jaishankar, women and child development minister Smirti Irani leh shipping and ayush minister Sarbananda Sonowal bakah minister of state pakua an tel a ni.

Nikum April thla hnua union minister 12-te property lei hi 21 niin, heng zingah hian agricultural land pasarih a tel. Irani leh minister of state pangate chuan an dinna Lok Sabha constituency huam chhungah ram hi an lei.

Hetih lai hian cabinet minister Giriraj Singh leh a nupui chuan an ram pahnih an hralh a, an ram hralhna man hi financial year hmasaa a hlutna an tarlan aiin a let li leh let rukin a to zawk.