Congress-in UP inthlanah hmeichhiate tan seat 40% dah tum

Congress party chuan kum 2022-a Uttar Pradesh assembly inthlan neih tura party ticket 40% chu hmeichhiate tan a dah dawn.

In-charge UP leh party national general secretary Priyanka Gandhi Vadra chuan nimin khan UP Congress headquarters-ah hei hi a puang a ni. Priyanka chuan an party member hmeichhiate chu hmeichhiate pual seat dah tur atan November 15 thleng dila thehlut turin a sawm nghal bawk.

He ruahmanna hi UP-a hmeichhiate thuam chakna atan ten inpumkhatna leh rorelna dik a awm theihna atana ti an nih thu sawiin, tuna UP-a BJP sorkar chuan hmeichhiate tan a thawk ṭha tawk lo hle tih a sawi. Hmeichhiate tan boruak ṭha leh him tiam ṭhin mah se, a taka thawh hunah chuan hmeichhiate rapbettute chu an chhan leh zawk ṭhin a ni, a ti.