CM ni rei lo te:

Ni hnih chauh Karnataka CM a nih hnuah bang ta, Yeddyurappa hi kum 2007 khan ni riat chhung chauh CM dinhmun hi alo chelh tawh bawk. Ani bakah ni reilote chhung CM dinhmun chelh hi midang panga an awm bawk.

Congress hruaitu Harish Rawat-a chu kum 2016 khan ni hnih chhung chauh Uttarakhand CM a lo ni tawh bawk a, mahse floor test neihah Congress MLA pakua in an phatsan avangin a chak zo lo a ni. Congress hruaitu dang Jagdambika Pal pawh kum 1998 khan ni hnih chhung Uttar Pradesh CM a lo ni tawh bawk. 

Nitish Kumar pawh kum 2000 khan Samata Party hruaitu a nih laiin Bihar CM atan lakluh a ni a, ni ruk hnuah fiah a nihnaah a kaihhruai sorkar thlawptu a ngah tawk loh vangin a bang leh nghal a ni. Haryana CM hlui Om Prakash Chautala pawhin kum 1990 khan CM dinhmun hi ni nga chhung chauh lo chelh tawh bawk a, Bihar CM ni thei naupang ber Satish Prasad Singh pawhin kum 1968 khan CM dinhmun hi ni nga chauh a chelh bawk.