Kerala-ah Nipah hri leng

Nipah hri vei te hian khawsik sang tak an nei a, he hri vei thihpui zat rate hi a sang hle. He hri hi ran–bak, vawk leh ransa dang aṭanga kaichhawn theih a ni. Tun ṭum hi Kerala state-ah Nipah hri leng hmuh a nih ṭum khatna a ni.

NiV hi kum 1998 khan Malaysia-a Kampung Sungai Nipah-ah hmuh hmasak ber a nia, hemi ṭuma hri an hmuhna chu vawk a ni. Kum 2004 khan Bangladesh-ah a leng mek a, hemi ṭum hian NiV vei bak aṭanga theia kaichhawn an ei ṭangin mihringten NiV hi an kai a, mihring leh mihringah pawh he natna hri hi inkaichhawn theih a ni bawk. NiV vei, ransa emaw mihring emaw venna tur vaccine hi a la awm lo.

Union Health Minister JP Nadda chuan Kerala-a Nipah hri leng chungchang ngaihtuaha meeting an neih hnuah, expert team a tir nghal a ni. Expert team hi National Centre for Disease Control (NCDC) hnuaiah din niin Kerala hi an thleng tawh a ni. Union Ministry of Health and Family Welfare chuan Kerala Health department pawh a be pawp reng tih a sawi bawk.

NiV hri vei hian khawsik sang leh lu an nei a, luhai, chau, rilru leh ngaihtuahna mumal lo thlengin an nei thei a ni. He hri veite chu nikhaw hre lo, coma thlengin an awm thei bawk. A vei ṭhenkhat chuan thawk lamah te harsatna an nei bawk.