BrahMos supersonic cruise missile enchhin

BrahMos supersonic cruise missile chu nimin khan Odisa tuipui kama test range aṭangin hlawhtling taka enchhin a ni tih Defence Research and Development Organisation (DRDO) official-te chuan an sawi.

March thla khan Rajasthan-a Pokharan test range aṭangin supersonic cruise missile hi kah chhin a lo ni tawh bawk. India leh Russia thawkdunin an siam, BrahMos hi khawvela cruise missile chak ber a ni a, a thlawh chak lam hi mach 2.8 niin, hei hi ri chak lam aiin a let 2.8 in a chak a ni.

BrahMos missile hi supersonic speed in km 290 chin a thlawk thei a, ralthuam kg 200-300 thleng a phur thei bawk. Indian Army hian BrashMos missile hi regiment pathum a nei tawh a ni.

Defence Minister Nirmala Sitharaman-i chuan Team Brahmos leh DRDO chu lawmpuina a hlan.