PM Modi-a'n Kushinagar international airport hawng

Prime minister Narendra Modi chuan nimin khan Uttar Pradesh-a Kushinagar international airport thar a hawng.

PM chuan Kushinagar hi Buddhist sakhaw hmu chhuaktu, Gautama Buddha an zalhna hmun, a thih hnua Mahaparinirvana a neihna niin Buddhish sakhaw zuitute tana hmun pawimawh tak a ni. International airport hawn a nih tak avangin sakhaw thil tlawh duhte tan pawh kalpawh a awlsam phah tawh dawn hle a ni.

Airport thar hi cheng vaibelchhe 260 senga siam niin, Buddhist sakhua hmun pawimawhte awlsam zawka tlawh theihna tura sorkarin a buatsaih a ni.

Kushinagar airport terminal building hi square metres 3,600 a zau a ni. Airports Authority of India (AAI) leh Uttar Pradesh sorkar ṭangkawpin an siam a ni. Terminal tharah hian peak hour chhungin passenger 300 vel an dawngsawng thei ang.

PM Modi chuan aiport thar hawn hian inkalpawhna ṭha zawk leh khualzin tam zawk a hip luh ngei tur thu sawiin, hei hian economic ecosystem changtlung zawk leh hna thar tamzawk a siambelh tur thu a sawi.

Airport thar hmang hian Buddhist zuitu tam zawk an hip theih an rin thu leh Buddhist theme-based circuit hmasawnna a thlen an rin thu aviation ministry chuan a sawi.