Mumbai-ah Lalu kalpui

Rashtriya Janata Dal (RJD) hotu Lalu Prasad Yadav chu Thawhlehni zan khan Mumbai-ah hruai a ni a, nimin khan Asian Heart hospital-ah admit a ni.

Bihar chief minister hlui Lalu hi a fapa, RJD hruaitu Tej Pratap Yadav, a monu Aishwarya Rai leh a fanu Misa Bharti-ten an hruai a ni. Mumbai-ah a lung enkawl anih hnuin Bengaluru-ah a kal (kidney) ṭha lo enkawl tura hruai leh a ni ang. Bengaluru-a Global Hospital-ah a kal hi enkawl a ni ang.

Thawhlehni zana Patna aṭanga Mumbai an pan dawn hian Lalu-a chennaah hian amah thlawptu mi tam tak kalkhawmin an thlah a ni. RJD hotu hi a chief minister laia central sorkar aṭanga ranchaw man an dawn, sum tam tham tak tihchingpen thubuaiah thiam loh chantirin nikum December 23 aṭang khan jail-ah tantir a ni. Kar kalta Inrinni khan a awm na leh awm nawm loh vangin Patna-a Indira Gandhi Institute of Medical Sciences (IGIMS)-ah admit a ni. Medical report-a a lan­danin a kal hian hna a thawk ṭha lo a, a sugar level pawh a sang hle. Hei vang hian Mum­bai panpui a ni ta a ni.