Regional party zingah SP in sum lalut hnem ber
Election Commission of India (ECI) in a hriattir angin political party hrang hrangte chuan kum 2017-17 chhunga an sum lakluh zat an thehlut a, regional party zingah Samajwadi Party chuan sum a lalut hnem ber.
Kum 2016-17 chhunga regional party 32-te sum hmuh zat hi cheng vaibelchhe 321.03 a ni. Samajwadi Party chu sum lalut hnem ber niin cheng vaibelchhe 82.76 a lalut a, hei hi regional party-te sum hmuh aṭanga 25.78% a tling pha a ni. Telugu Desam Party (TDP) chuan dawtin cheng vaibelchhe 72.92 a lalut a, All India Anna Dravida Munnetra Kazhagam (AIADMK) chu a pathumna niin cheng vaibelchhe 48.88 an lalut bawk.
Election Commission website-ah hian regional party 16-te audit report erawh hmuh tur a awm ve lo a, audit report awm lo zingah hian Aam Aadmi Party (AAP), Jammu & Kashmir National Conference (JKNC), Rashtriya Janata Dal (RJD)-te an tel.
Regional party audit report thehlut 32 zinga 14-te chu a kum hmasa aiin an sum lakluh a tlem zawk a, party 13-te erawh chuan an sum lakluh a pung thung. Party panga chuan kum 2015-2016-a Income Tax Return an thehlut tel lo a ni.