Akilesh leh Mulayam-ten kum hnih hun pe turin ngen

Supreme Court-in Uttar Pradesh chief minister hlui, official bungalow-a la awm chhunzawmte chu an bungalow chhuahsan turin a hriattir tawh a, hetihlai hian CM hlui Akhilesh Yadav leh a pa Mulayam Singh Yadav-te chuan kum hnih hun pe turin an ngen.

UP CM hlui Akhilesh Yadav leh Mulayam Singh Yadav te bakah Rajnath Singh, Kalyan Singh leh ND Tiwari-te chu official bungalow-ah an la awm chhunzawm a ni. CM hluite bungalow-a an la awm chhunzawm zel chungchangah hian Supreme Court-ah NGO Lokprahari chuan petition a thehlut a, hemi hnu hian court chuan CM-te chu an term tawp veleh sorkar bungalow chhuahsan turin a ti a ni.