Pakistan-in Eid laiin Indian film tihchhuah a khap

Pakistan chuan thla thara Eid holiday hman laiin an ram chhunga Indian film tihchhuah a khap.

Pakistan Ministry of Informationd and Broadcasting-in hriattirna a tihchhuahah, Eid ṭan hma ni hnih aṭang leh, a tawp hnu kar hnih thleng chu Indian leh foreign film dang tihchhuah khap a ni tih a sawi. He thupek hi Pakistani film exhibitor, distributor leh production house-te ngenna anga a siam anih thu a sawi bawk.

Eid holiday hi a tlangpuiin ni li te hman ani ṭhin a, he hun hi Pakistani, Bollywood leh Hollywood film te tana sum lakluhna hun ṭha tak a ni ṭhin. Mahse he festival hun chhung hian tualchhung film-te chawi lar a nih theihna tur ruahmanna thar hi siam a ni ta a ni. Eid bakah August/September thlaa hman ṭhin Eid-ul-Adha holiday-ah pawh he ruahmanna hi hman an tum bawk nia sawi a ni.